~...كـًرسـِي ـآلاعتـٍرآفَ..

هاى سمسم
ازيك اسئلتى ليكى بقى
ايه الحاجة اللى تتمنى انها تحصل مابين اصدقائك
وهل فى واحدة من صحباتك نفسك انها تكون دى صديقتك فى يوم من الايام
هل انتى ليكى صديقة حاليا
هل فى قصة حب او اعجاب فى حياتك
ولو مافيش دلوقتى يا ترى كان فى قبل كده
تحبى تقولى ايه للاعضاء من ناحية الحب
يعنى ايه الحب من وجهة نظرك
وبتنصحيهم بايه
ايه مواصفات الشخص اللى انتى تحبى انه يكون ليك
وهل هو موجود فعلا
يعنى انتى عارفاه ونفسك انه يكون قريب منك ولا لا
ونصيحة اخيرة
ما تحاوليش تصارحى اى حد بشعورك من ناحيته الا لما يصارحك هو الاول بشعوره من ناحيتك
اتمنى منك طبعا انك تجاوبى على جميع اسئلتى

ان كلهم يكونوا بيحبوا بعض بجد
اة فى بس بدون ذكر اسماء
اة فى
ممكن ما اجاوبش
محبش اقولهم حاجة
مفيش مواصفات دلوقتى لسة ادامى كتير عالكلام دة واكيد لسة هقابل ناس كتير انا لسة صغيرة
الصراحة دى حاجة فيا وانا غصب عنى بتكلم مع اى حد بصراحة
ميرسية على اسئلتك يا قمر

هل تعتقدى ان جميع من حولك
يعرفونك
اى يعرفون من انتى بجد
على شخصيتك

هل لديك شجاعة على تحمل
الازمات

انا فى ناس حواليا بنسبة 80%ميعرفوش شخصيتى ومنهم عالمنتدى على فكرة
انا عندى قدرة تحمل كبيرة جداااا

انا يا جماعة هورط المستحيل التلت بعد اذن حضرتك يعنى يا مستر واتفضلوا اللى عندة اسئلة يتفضل يسأل

انا هشترك معاكم لو تسمحواا
وانا هسال المستحيل الثالث
ليه اخترت الاسم ده وايه معناه وايه هما المستحيلين اللي قبل كدا؟؟؟؟؟
ودي البداية بس

انا قلت قصة المستحيل الثالث ده مرتين فى المنتدى قبل كده بس هقول تانى عشان خطرك ياستى
المستحيل الأول : العنقاء وهو طائر دائما ماكان يذكر فى الروايات وهو غير موجود فى الحقيقة
المستحيل الثانى : الغول وكان يعتقد انه حيوان ولكن غير موجود
المستحيل الثالث : الخل الوفى أى الصديق الوفى وقام العلماء بوضعه كمستحيل ثالث فأنا ألقب نفسى بالمستحيل الثالث أى الصديق الوفى
ايه رأيك فى الإسم بقى؟

اسئلتى يا ميستر
1-هل تثق فى جميع من حولك ام تثق فى بعضهم
2-ماذا لو علمت ان احد الذين تثق بهم خانوا هذة الثقة

هااااااااااااى ازيك يا مستر اخبارك ايه
اسئلتى بقى
ما رايك فى كرسى الاعتراف؟؟؟
كل انسان وله امنيات وامال يريت تخبرنا عن الامنية اللى تتمناها................
ايه اصعب المواقف اللى مريت بيها................
ايه موقفك من الحب؟؟وهل جربته؟؟ وهل تأمن بوجوده؟؟
وفى اى راى تتخذه هل تحكم عقلك ام قلبك فيه؟؟؟
هل ندمت ف حياتك عن شئ معين؟؟؟؟؟
هل انت انسان رومانسى؟؟؟؟؟؟؟
ايه الحاجة اللى نفسك تغيرها فيك؟؟؟
ايه رايك بالصداقة بين البنت والولد؟؟؟؟؟؟ولو كنت موافق ع الصداقة ايه هى الشروط الواجب توافرها
واتمنى انك ما تضايقش من اسئلتى وتجاوب عليها كلها
واسفه لو كنت طولت عليييييييك

بالنسبة لأسئلة ملك 1 -أثق فى بعضهم
2 -هذا الشخص قد يمسح من قاموس حياتى

أولا شكرا يا مستر على الاجابات الجميلة دى
ثانيا:انا موش عارفة اذا كنت رومانسى ولا لا
انا شايفة انك عااااااادى
يمكن يكون فى ناس غيرى هما اللى يعرفوا اذا كنت انت رومانسى ولا لا

ماذا لو كان ذلك السخص لا تسطيع مسحة من حياتك
ماذا تفعل

وهتتعامل معاة ازاى
هل تقول لة ما فعل جعلك تفقد الثقة فية

ماذا لو طلب منك ذلك الشخص المساعدة
هل ستساعدة
ارجو مكنش طولت عليك

ازي حضرتك يا مستر يا رب تكون في صحه وسعاده
اسئلتي لحضرتك بد اذنك
اولا حمد الله علي السلامه لرجوعك المنتدي
ثانيا :هل تحب تعمل بمهنه التدريس في الخرج ؟ ولماذا ولو رفضت ليه
ثالثا : حضرتك مدرس غير تقليدي وده بامانه
وان شاء الله ستكون افضل المدرسين هل انت واثق من كده
سمعت حضرتك انك مبتحبش مهنة الدريس وقولت المقوله الاتيه حب ما تعمل حتي تعمل ما تحب ليه
كان نفسك تباي ايه بدل التدريس
نصحتك للطلاب في التعليم من اجل الوصول الي المجد
ارجوا مكنش طولت عليك ومن حقك الاجابه او عدم الاجابه
ويا رب الاسئله تكون عجبتك
وكل عام وانت بخير

بالنسبة لملك :مادام انه ليس أهل للثقة وانا مش عارف امسحه من ةحياتى فلابد ان أعترف ان العيب فيا أنا مش فيه وهذا من صور ضعف الشخصية
طبعا لآأقدم له المساعدة
الثقة أنواع كتير انا مش عارف انت قصدك ايه بالظبط

ازيك ياسندريلا والله يسلمك
أه انا عايز اسافر الخارج للتجربة أولا
شكرا على مجاملتك الطيفة اتمنى ذلك ودا يرجع لمستوى الطلبة اللى زيك اللى بيشرفونى فى كل مكان
انا كان نفسى اكون دكتور صيدلى وانا طبعا أحب ما أعمل
نصيحتى للطلبة الإستفادة من الأخطاء - الصبر - الذكاء
شكرا على الأسئلة

ان شاء الله يا مستر تحقق كل امنياتك
واحنا كطلبه صابرين وانا شخصيا صبرى مالهوش حدود علشان ربنا يجازينى خير

قصدى مفهوم الثقة العام بالنسبة لك

شكرا لك يا مستر علي الاجابه
وربنا يحققلك امنيتك عدم دخولك كليه الصيدله يباء ربنا كتبهالك في حاجه تانيه ان شاء الله ستكون من احسن المدرسين لمجهود لتعليم الطلبه

اولا
شكرا على اجاباتك على اسئلتى
ثانيا
حمدا لله على وصول النت بالسلامة
ثالثا
هل لديك صديق طفولة ما زال بينكم اتصال وارتباط ببعض
رابعا
ما علاقتك بbrave heart
خامسا
هل انت من النوع الذى يخبى بداخلة اسرارة وليس له صديق يحكى لة اسرارة

الله يسلمك ياملك
بالنسبة لصديق الطفولة طبعا موجود ومازال بيننا اتصال وهو فى لبنان حاليا ودايما بنكلم بعض
رائعة فهو من أعز أصدقائى brave heartعلاقتى
لا إطلاقا انا من النوع اللى بحب أصدقائى وبشاركهم معايا فى كل حاجة وانا مختار اسمى على النتدى المستحيل الثالث وهو له علاقة بالصداقة

سؤال صغير هيا فين ريماس

فيه اسئلة تانية ياجماعة ولا أورط حد جديد

لو سمحتوا ممكن اشترك معاكوا
ماهى شخصيه الطلاب الذى تفضلهم لديك؟
ما هو اغلى شخص فى حياتك بعد الله ورسوله والام والاب والصديق؟ ياترى فى حد تانى بعدهم؟
انا بتابع المنتدى بقالى فترة وقررت اشترك فيه السؤال بقى ماهو افضل عضو يفيد المنتدى والمنتدى يتشرف انه يكون مشترك للابد؟
انتظر الاجابه

ماذا يمثل الحب بالنسبه لك؟
هل الحب مهم فى حياتك؟

أهلا وسهلا بيكى يارقيقة المشاعر شرفتى المنتدى
1 - انا بحب الطالب اللى عندى يكون صبور ويتدرج مع الأمور خطوة خطوة ودائما ينظر للأمام ويكون مستواه فى تقدم مستمر
2- أغلى الشخصيات بعد الأم والأب والصديق هيكون الزوجة فى المستقبل
3 - اتمنى ان يكون هذا العضو هو انت (رقيقة المشاعر

الحب شىء جميل واحساس يتمناه كل انسان
نعم الحب مهم فى حياتى

ازيك ياريماس انا بطمن عليك بس
1 - الأعضاء التى تعجبنى مواضيعهم مدير المنتدى وهيرو وريماس وسندريلا
2- أغضب فى الحياه العادية عندما يسىء لى أحد وفى المنتدى عندما أرى مواضيع غير مظبطة
3 - عيوبى الخجل وأحيانا التحامل على نفسى من أجل الأخرين مع اننى قدأعلم أن هذا الأخر لايستحق
4- الصداقة شىء رائع ومهم جدا فى حياتنا
النميمة هى القنبلة التى تدمر الصداقات
النفاق أكرهه كره العمى
نادى الأهلى

انا من صغرى عندى كره للأهلى مش عارف ليه وحتى لعيبة الأهلى الذى منهم من هو محترم ولكن أكرهم كلاعيبة وبحس ان الأهلى مسنود زيادة عن اللازم اعلاميا وحكوميا وكل حاجة وانا مبحبش الظلم

انا برشح لكرسى الإعتراف brave heart

بعد ازن حضرتك ممكن اسال سؤال
ما هو الموقف الذى ما زلت عندما ياتى فى بالك
تضحك علية
المنتدى اية بالنسبة لك
اية رايك فى اعضاء المنتدى
من هم الاعضاء الاكثر افادة للمنتدى
هل انت من النوع الذى يحكم على الشخص بمجرد الكلام معة
ما علاقتك بالمستحيل الثالث

وما هى المتطلبات اللازمه حتى يصبح المنتدى عالمى

توضيح بسيط انا كنت أقصد مخاوفك وأمالك المتعلقة بالمنتدى
سؤال بسيط :هو الفلتر الخاص بك لاهناك أمل لتصليحه